مشاهدة النسخة كاملة : جرب تفضفض لربنا سبحانه وتعالي


حامى الإسلام
24-09-2010, 07:42 PM
السلام عليكم

كلنا بنحب نفضفض لاننا بعد ما بنفضفض بنرتاح




كتير مننا ياشباب ويا بنات اول ما بتحصلو مشكله او لما بيكون مخنوق من حاجه معينه على طول بيروح لاقرب واحد ليه ويفضفضلو عشان يرتاح



لكن حد فكر ولو لمره واحده انو يفضفض لربنا ايوه متستغربش فضفض لربنا
طب ازاى افضفض لربنا هو ينفع


افضفضلو ايوه ينفع طبعا مش هو اللى خلقنا وهو اللى عارف ايه اللى يخلينا سعداء فى الدنيا دى


للاسف نسينا ربنا ونسينا ان هو اللى فى ايدو حل لكل مشاكلنا بس احنا بس نلجألو ونكلمو ونفضفضلو


طب افضفضلو ازاى ؟


احساس جميل اوى لما تفضفضلو وتقعد كده بين ايديه وتختلى مع نفسك وتبقى معاه لوحدك ايوه لوحدك تخيل



الاحساس ده
ان انت اتوضيت ودخلت اوضتك لوحدك وصليت ركعتين فى خشوع وبعد كده قعدت على المصليه اللى انت صليت عليها وتبدا بقه تكلم ربنا

وتفضفضلو

حد حاسس ياجماعه الاحساس ده
ان انت دلوقتى بتكلم ربنا ايوه بتكلمو

وبتفضفضلو

والله العظيم ان هو سامعك وعارفك سامعك يا محمد يا احمد ياخالد ياشرف ياعبد الله يامحمود



سامعك انتى كمان ياوفاء ياسراء ياساره يانور ياعلا ياندى
سامعكو والله كلكو




ها بعد ما قعدت بين ايديه عايز تقلو ايه بقه؟ عايز تفضفض تقول ايه انا اقلك تقلو ايه ؟



قلو يارب انا عارف انى بعيد عنك وعارف انى دايما مكبر دماغى
يارب انا مستهلش نعمك عليا

يارب انت مغرقنى بخيرك وانا والله ما استاهل كل ده

انت بترزقنى وبتنعم عليا وانا باعصيك وبغضبك ليل نهار
يارب انا نفسى ابقى كويس بس مش عارف ومش قادر



يارب انا نفسى احبك اوى ومحبش حد غيرك
يارب انا نفسى تكون جنبى نفسى تعينى على طاعتك



يارب انا نفسى ضعيفه اوى ومبقدرش اقاوم المعصيه فاعنى يارب على طاعتك وترك معصيتك


يارب كره الى المعصيه يارب انا نفسى اكره المعاصى كلها يارب حبب الى الطاعه نفسى احب كل الطاعات الصلاه الصوم القران الذكر قيام الليل


يارب انا اسف انا غلط معاك كتير انا اذنبت كتير اوى وعصيتك كتير اوى بس والله يارب غصب عنى انا نفسى ضعيفه ومكنتش بعصيك عشان اخالفك لا والله بس نفسى ضعيفه اوى وبتميل للشهوات وبتقع بسرعه


يارب اغفرلى كل
الذنوب دى

يارب لو مغفرتليش مين هيغفرلى
لو مرحمتنيش مين هيرحمنى

لو مسامحتنيش مين هيسامحنى



يارب انت العفو فاعفو عنى
انت الرحيم فارحمنى
انت التواب فتب على
يارب انا خلاص رجعتلك ونفسى اقرب منك اوى



انا يارب تركت المعصيه عشانك انا تركت كل حاجه عشان ترضى عنى يارب



رضاك يارب رضاك
مش عايز حاجه من الدنيا غير انك ترضى عنى

اوعدك يارب انى مش هعصيك تانى

اوعدك ان انا هجاهد نفسى على قد ما اقدر وهسيب الذنوب والمعاصى كلها بس محتاجك يارب تعينى على كل ده


يارب انا بحبك اوى وهعمل كل حاجه عشان ترضى عنى
اللهم ارض عنى


طبعا ياجماعه اثناء ما انت بتفضفض غصب عنك هتبكى او على الاقل هتدمع او قلبك هيرق اوى


والله ياجماعه احساس جميل اوى انا شخصيا جربته وكلمت ربنا بنفس اللهجه كده وبعدها حسيت انى اسعد انسان فى الدنيا وحسيت انى قريب من ربنا اوى


جربو ياجماعه والله حياتكو هتتغير وهترتاحو كتير اوى لانكو بتفضفضو لربنا مش لحد تانى


يارب تكونو استفدتو من الموضوع

ولدقطر
24-09-2010, 11:48 PM
ماشاء الله لاقوة الا بالله مجهود رائع بمنتدانا الغالى المهندس هلال الفزارى مشكور أخى على موضوعك الرائع